Ծրագրի տարեկան ձեռքբերումները
2011 թվականը մոտենում է իր ավարտին: Լրատվության այլընտրանքային ռեսուրսներ ծրագիրը ամփոփում է իր ձեռքբերումները: Ծրագրի թիմի անունից շնորհավորում ենք բոլորի Նոր Տարին և Սուրբ Ծնունդը: Շնորհակալություն ենք հայտնում մեր գործընկերներին և բոլոր նրանց, ովքեր ակտիվ մասնակցեցին մեր ծրագրին և աջակցեցին մեզ: Ձեզանից յուրաքանչյուրի ներդրումը մեր ծրագրի հաջողության երաշխիքն է:
Թող գալիք տարին բերի նոր հաջողություններ և նվաճումներ, և թող մեր համագործակցության շնորհիվ էական փոփոխություններ տեղի ունենան Հայաստանի մեդիա ոլորտում:
Ստորև ներկայացնում ենք ծրագրի տարեկան արդյունքները համառոտ:
Լավագույն մաղթանքներով՝
Լրատվության այլընտրանքային ռեսուրսներ ծրագրի թիմ
Ծրագրի տարեկան ձեռքբերումները.
- Հետազոտական ռեսուրսների կովկասյան կենտրոնն իրականացրեց լայնամասշտաբ հետազոտություն, որը բացահայտեց Հայաստանի բնակչության տրամադրություններն ու ընկալումները մեդիա աղբյուրների վերաբերյալ: Տես հետազոտության ամբողջական արդյունքները:
- Եվրասիա համագործակցության հիմնադրամի աջակցությամբ հիմնվեցին 5 Ինֆոտներ (հեռահաղորդակցման կենտրոններ) Արմավիրում, Գյումրիում, Վանաձորում, Գորիսում, Մարտունիում, որոնք հնարավորություն տվեցին քաղաքացիներին տեղեկատվություն ստանալ և ստեղծել նորություններ իրենց համայնքների վերաբերյալ:
- Եվրասիան իրականացրեց դրամաշնորհային ծրագիր մեդիա ոլորտի և ՀԿ-ների համար, ինչի շնորհիվ ստեղծվեցին կայուն ծրագրեր՝ ուղղված քաղաքացիական ակտիվության և լրագրության զարգացմանն ու նոր մեդիայի արտադրությանը:
- Մամուլի աջակցության «Ինտերնյուս» ՀԿ-ն նախաձեռնեց Մուլտիմեդիա կենտրոնի ստեղծումը, որը կրթական հնարավորություններ է ընձեռում պրոֆեսիոնալ և քաղաքացիական լրագրողների, ՀԿ աշխատակիցների և սոցիալական ակտիվ անհատների համար: Տարվա ընթացքում Ինտերնյուսը անց է կացրել 26 սեմինար, որին մասնակցել է 403 մարդ, ինչպես նաև իրականացվել են մարզային դասընթացներ գործող լրատվամիջոցների աշխատակիցների համար:
- Հայաստանում մեդիա քննադատության դաշտի զարգացման նպատակով Ինտերնյուսը թարմացրել և ձևափոխել է իր Media.am կայքը, որն այսօր ծառայում է որպես ազատ պլատֆորմ Հայաստանի և համաշխարհային մեդիա դաշտի վերաբեյալ վերլուծական նյութերի հրապարակման համար:
- Լրատվամիջոցների իրավունքների պաշտպանությունն ապահովելու նպատակով Երևանի մամուլի ակումբը Ինտերնյուս Հայաստանի ակտիվ մասնակցությամբ ստեղծեցին Լրատվամիջոցների շահերի պաշտպանության խումբ, որը նաև ակտիվ ներգրավված է Հեռուստատեսության և ռադիոյի մասին օրենքի փոփոխությունների իրականացման գործընթացներում:
- Ա1+ առցանց լրատվամիջոցի և Երևանի մամուլի ակումբի համատեղ ջանքերի շնորհիվ իրականացվեց Ի-ակումբ առցանց հեռուստածրագրի արտադրությունը, որը նվիրված է ինտերնետին և տեղեկատվական ոլորտի վերջին զարգացումներին, որն այսօր արդեն ունի մեծ լսարան և հեռարձակվում է Հայաստանի շրջանների տեղական հեռուստաալիքներով:
Տարին թվերով՝
- 997 մարդ (լրագրողներ և բլոգերներ) ուսուցանվել են ծրագրի շրջանակներում
- 90 ոչ պետական լրատվամիջոցներ և մեդիա ՀԿ ներկայացուցիչներ ստացել են աջակցություն
- 150.000 մարդու համար հասանելի դարձան նոր այլընտրանքային լրատվամիջոցները
- 500 մարդ Հայաստանի տարբեր մարզերից մասնակցեց ԻնֆոՏան միջոցառումներին
- Media.am կայքը ամսեկան ունենում է 6,000 այցելու
- 8 հանրային քննարկումներ կազմակերպվեցին 200 ակտիվ քաղաքացիների համար
Posted on December 27, 2011, in Uncategorized. Bookmark the permalink. Leave a comment.
Leave a comment
Comments 0