Կայացավ Արմավիրի նոր մեդիա ճամբարը

Դեկտեմբերի 8-ին Արմավիրի երիտասարդությունը մեծ խանդավառությամբ մասնակցեց Արմավիրի զարգացման կենտրոնի “Երիտասարդական ակտիվ լրագրողական ցանց” -ի կողմից կազմակերպված Արմավիր ճամբարին, որի ընթացքում երիտասարդները ծանոթացան Հայաստանում գործող հետաքրքիր և օգտակար ինտերնետ ռեսուրսներին, տարաբնույթ նախաձեռնություններին, որոնց նպատակն է նպաստել սոցիալական խնդիրների լուծմանը և քաղաքացիական հասարակության զարգացմանը: Ներկայացված կայքերը, բլոգերը հագեցած նոր մեդիա բազմաբնույթ գործիքներով հնարավորություն են տալիս յուրաքանչյուրին տեղեկություններ ստանալ իրենց հետաքրքող թեմաների շուրջ, անմիջական մասնակիցը դառնալ այս կամ այն նախաձեռնության և հանդես գալ առաջարկներով և նոր գաղափարներով: (Տես օրակարգը)

«Մեր նպատակն էր ներկայացնել այն հնարավորությունները, որոնք ստեղծված են նոր մեդիա գործիքների շնորհիվ  և խթանել երիտասարդների ակտիվությունը իրենց իսկ համայնքներում   խնդիրների  վերհանման գործում: Ճամբարին ներկայացված էին տեղական, Երևանյան և Հայաստանի այլ շրջաններում գործող և արդեն հաջողված նախաձեռնությունները, որոնք օրինակ կարող են ծառայել մեր երիտասարդների համար և նրանց մեջ արթնացնել նախաձեռնող լինելու ցանկություն: Կարծում եմ, դա մեզ այսօր հաջողվեց:»,-ասում է Արման Ազիզյանը, Արմավիր Ինֆոտան համակարգողը:

Կարդալ ավելին…

ARMAVIR CAMP, a set on Flickr.