Վարպետության դաս. «Հեռուստատեսային բրենդինգի սկզբունքները և բրենդի տարածումը» թեմայով
«Լրատվության այլընտրանքային ռեսուրսներ» ծրագրի շրջանակներում երկու օրով Հայաստան է ժամանելու հեռուստատեսային բրենդինգի խորհրդատու և թրեյներ Մայք Վիլերս-Սթյուարտը, ով ունի 30 տարվա հարուստ փորձ հեռուստատեսության ոլորտում և այսօր վերապատրաստումներ է իրականացնում համաշխարհային հեռարձակման հեռուստաընկերությունների բրենդի առաջխաղացման բնագավառում:
Ս.թ. հունիսի 9-10 Մայքը կմասնակցի Երևանում կայանալիք ԲարՔեմփին՝ ներկայացնելով սոցիալական ցանցերում յուրօրինակ բովանդակության ստեղծման և դրա արդյունավետ տարածման օրինակներ:
Հունիսի 9-ին, ժ. 14:00-ին «Ինտերնյուսի» գրասենյակում (Երեւան, Արշակունյաց 3, 4-րդ հարկ) միջազգային փորձագետը կվարի վարպետության դաս Հայաստանի հեռուստատեսության ոլորտի բրենդինգի, մարքետինգի և PR մասնագետների համար՝ «Բրենդինգի սկզբունքները և բրենդի տարածումը» թեմայով: Հանդիպման ժամանակ փորձագետը կկիսվի իր հարուստ փորձով՝ ներկայացնելով համաշխարհային հեռուստաընկերությունների (BBC, ITV, Al Jazeera, Antena և Sudan) հաջողության պատմությունները:
Մայք Վիլերս-Սթյուարտը աշխատել է BBC, ITV ընկերությունների, ինչպես նաև Discovery-ի համար, մասնակցել է անգլալեզու Al Jazeera հեռուստատեսության մեկնարկի աշխատանքներին, համագործակցել Intact Media Group-ի հետ:
Վարպետության դասին մասնակցելու համար անհրաժեշտ է գրել հետևյալ էլ. հասցեին g.ayvazyan@internews.am` նշելով ձեր անուն, ազգանունը, լրատվամիջոցը և կոնտակտային տվյալները:
Մանրամասների համար զանգահարեք՝ 055 586856 (Գայանե Այվազյանին):
Դասախոսություն «Խմբագրությունների զարգացման միջազգային միտումները» թեմայով
«Լրատվության այլընտրանքային ռեսուրսներ» ծրագրի շրջանակներում «Ինտերնյուս» մամուլի աջակցության ՀԿ-ն հյուրընկալում է շվեյցարացի փորձագետ Պասկալ Զեմպին, ով տարիներ շարունակ ղեկավարել է կոնվերգենտ (փոխակերպված) խմբագրությունների կազմակերպման գործընթացը:
Ս.թ. հունիսի 2-ին, ժ. 11-ին հրավիրում ենք տպագիր և առցանց մամուլի գլխավոր խմբագիրներին և լրագրողներին Կոնգրես հյուրանոցի «Պիկասո» սրահ միջազգային փորձագետի հետ դասխոսությանը՝ «Խմբագրությունների զարգացման միջազգային միտումները» թեմայով:
Շվեյցարացի փորձագետը կխոսի հետևյալ հարցերի մասին.
• Տպագիր մամուլը աշխարհում (ընթերցողներ և տպաքանակ)
• Մեդիա լսարանի փոփոխության միտումները
• Նոր գործիքներ նյութը ներկայացնելու համար
• Խմբագրության ռազմավարությունը մուլտիմեդիա միջավայրում (Նյուզրում 1.0-ից մինչև Նյուզրում 3.0)
• Խնդիրների և օրինակների քննարկում
• Քաղված դասերը և հաջողության գրավականը
Պասկալ Զեմպը երկար տարիներ աշխատել է օրաթերթերում, շաբաթաթերթերում և մուլտիմեդիա խմբագրություններում: Վերջին 5 տարիների ընթացքում նա հետամուտ է եղել խմբագրությունների միավորման (տպագիր, առցանց, մոբայլ) գործընթացին Շվեյցարիայում, ինչպես նաև՝ միջազգային շուկայում (Բելգրադ, Բուխարեստ, Բրատիսլավա, Պրագա, Վարշավա): Ղեկավարել է խմբագրություների աշխատանքում նոր համակարգերի և գործելաոճի ներդրման գործընթացները:
Այսօր Պասկալն ունի իր սեփական գործը Շվեյցարիայում և ղեկավարում է տարբեր խմբագրությունների զարգացման ծրագրեր:
Խնդրում ենք հաստատել ձեր մասնակցությունը հետևյալ էլ. փոստով training@internews.am ` նշելով ձեր անուն, ազգանունը, լրատվամիջոցը և կոնտակտային տվյալներ:
Մանրամասների համար զանգահարեք Ինտերնյուս՝ 010 583620, 095 583616 (Նարինե Սաֆարյանին):
Master Class for Cameramen in Covergent Media Environment
From April 17-21 Internews Armenia provided a Master Class for local cameramen. During five days 10 camera operators from Yerevan, Vanadzor, Gyumri and Martuni had the opportunity to learn techniques of operating a video, TV or film camera while working in a covergent media environment. All the participants had technical skills in camera operation and most of them had a job experience of a cameraman in local TV stations, on-line media or a film-making. The selection of candidates was based on competitive basis through an application procedure.
The training was conducted by a well-known Ukrainian TV operator and a film-maker Mikhail Lebedev. Through international expertize the training aimed to enhance the participants’ skills for work with traditional TV, gain new ones for work in a convergent environment.
The participants were exposed to learning effective techniques of camerawork in multimedia environment. The instructions and examples on shooting angles, video editing lighting techniques and shot composition were introduced to the trainees.The trainer also introduced the participants to modern types of cameras, their advantages and disadvantages.
Artak Nersisyan, a cameraman from AR TV
“I work as a TV operator for almost 14 years. Though I was familiar with many aspects of camerawork I could grasp some new and interesting information such as shot composition thanks to the trainer’s rich expertize. I had mostly hands-on experience and didn’t have an opportunity to participate in training courses before. This was my first experience and I am glad to get the opportunity.”
Melsik Khachatryan, a cameraman from Shirak TV, Gyumri
“I am self-educated and have gained expertise from my father who is also a TV operator. I participated in practical training courses in Moscow. Here in Armenia I mostly learned from the professionals I was working with though didn’t have a chance to get some academic knowledge. This training was a wonderful opportunity to gain knowledge from an international expert. I was much interested in lighting techniques and was happy to get the answers during this training. Though I should confess that some of the techniques I learned will be difficult to apply due to the poor technical capacity of regional TV companies.”
Albert Sarksyan, Master’s Degree Student of Yerevan State Institute of Theatre and Cinema
“As a film operator I was very happy to have a chance to meet such a professional as he talked about all the aspects of camerawork not only focusing on TV production. He presented many new approaches to operating a camera and gave a fresh look at the things I already knew. I just wished we could have more practical exercises under his leadership.”
«Ինֆոտուն» ծրագրի արդյունքների ամփոփում Մարտունի քաղաքում
Ս.թ. ապրիլի 5-ին, ժ.13.30-ին Մարտունի քաղաքի Կանանց համայնքային կենտրոնում տեղի կունենա ԱՄՆ Միջազգային զարգացման գործակալության կողմից ֆինանսավորվող և Եվրասիա համագործակցության հիմնադրամի (ԵՀՀ) կողմից իրականացվող Ինֆոտուն ծրագրի ներկայացումը:
Նպատակը՝ Մարտունի, Արմավիր և Գորիս ծրագրերի կիսամյակային արդյունքների, այդ համատեքստում՝ քաղաքացիական լրագրության քառամսյա դասընթացի արդյունքների ամփոփում և հետագա անելիքների ներկայացում:
Նոր լրատվական տեխնոլոգիաների տարածմանը նպաստելու նպատակով` Եվրասիա համագործակցություն հիմնադրամն (ԵՀՀ) աջակցում է Ինֆոտներին, որոնք գործում են հինգ մարզերում՝ Գորիս, Գյումրի,Արմավիր, Վանաձոր, Մարտունի, տեղական հասարակական կազմակերպությունների հետ համագործակցային հիմքի վրա:Մինչ 2011թ-ը ինֆոտները հանդիսանում էին ինֆորմացիայի տարածման հավելյալ գործառույթ ունեցող ավանդական ռեսուրս-կենտրոններ: Մարզերում նոր տեղեկատվական տեխնոլոգիաների վերաբերյալ գրագիտությունը բարձրացնելու գործում ինֆոտների կարողությունները և դրանց դերակատարությունը մեծացնելու նպատակով` ԵՀՀ-ն աջակցում է ռազմավարական մի ծրագրի, որը ներառում է 2011-2012թթ. նոր լրատվական տեխնոլոգիաների հարյուրավոր օգտատերերի պատրաստումը թրեյնինգների միջոցով:
Ինֆոտների գործունեությունն իրականանում է ա/քաղաքացիական լրագրության, բ/մեդիալուսավորչության և գ/քաղաքացիական մոբիլիզացիայի միջոցով: Ինֆոտան ծառայություններն ազատ են և բաց հասարակության համար: Ինֆոտան համակարգողը ապահովում է այդ ծառայությունների մասին ազդարարող հաղորդագրությունների հնարավորինս լայն տարածումը մարզում:
Ինֆոտուն ծրագրի համակարգող Աննա Մուրադյանը նոյեմբեր 2011 – մարտ 2012 ամիսներիընթացքում նախաձեռնել է քաղաքացիական լրագրողների խորացված դասընթաց բոլոր 5 մարզերում:
Մասնակիցներ՝ ՏԻՄ ներկայացուցիչներ, դպրոցի տնօրեններ, ուսուցիչներ, քաղաքացիական լրագրողներ, տեղական ԶԼՄ-ներ,Մարտունու հարակից գյուղերի ակտիվ երիտասարդներ, ԻնֆոՏան պոտենցիալ շահառուներ, հյուրեր :
«Ինֆոտուն» ծրագիրն իրականացվում է «Լրատվության այլընտրանքային ռեսուրսներ» քառամյա ծրագրի շրջանակներում:
iԴիտորդ՝ ընտրախախտումների քարտեզ
Հարգելի լրագրողներ,
«Թրանսփարենսի Ինթերնեշնլ հակակոռուպցիոն կենտրոն» և «Լրատվամիջոցների բազմազանության ինստիտուտ» հասարակական կազմակերպությունները համատեղ իրականացնում են iԴԻՏՈՐԴ ծրագիրը, որի նպատակն է նպաստել ազատ, արդար և թափանցիկ ընտրություններին Հայաստանում` խթանելով ընտրական գործընթացների հասարակական վերահսկողությունը և քարտեզագրելով ընտրախախտումների վերաբերյալ դիտարկումները ինտերնետային կայքում:
Ծրագիրը մշակվել է` հիմք ընդունելով «ուշահիդի» առցանց գործիքը, որը ստեղծվել է 2007թ.-ին Կենիայի նախագահական ընտրությունների ընթացքում տեղ գտած իրավախախտումներն ամփոփելու համար: Հետագայում այն օգտագործվել է բազմաթիվ այլ երկրներում ընտրությունների գործընթացները դիտարկելու նպատակով: Հայաստանում այս գործիքն առաջին անգամ կկիրառվի 2012թ. մայիսի 6-ի խորհրդարանական ընտրությունները և դրանց նախորդող քարոզարշավը դիտարկելու համար:
Ընտրախախտումների քարտեզի հնարավորություններին և ընտրախախտումները գրանցելու տեխնոլոգիաներին ծանոթացնելու նպատակով կազմակերպվում են երկժամյա սեմինարներ լրատվամիջոցների, հասարակական կազմակերպությունների ու քաղաքացիական նախաձեռնությունների ներկայացուցիչների, ինչպես նաեւ ակտիվ քաղաքացիների համար, որոնք նաև կկարողանան ձեռք բերած գիտելիքները փոխանցել այլոց:
Հրավիրում ենք Ձեզ մասնակցելու լրատվամիջոցների համար նախատեսված սեմինարին, որը տեղի կունենա սույն թվականի մարտի 28-ին Կոնգրես հյուրանոցի Պիկասո դահլիճում, երեկոյան ժամը 18:00-20:00: Խնդրում ենք մինչեւ մարտի 27-ը հաստատել ձեր մասնակցությունը և ծրագրի համակարգողին ուղարկել ձեր լրատվամիջոցը ներկայացնող մասնակիցների ցուցակը` համապատասխան կոնտակտային տվյալներով (հեռախոս, էլ-փոստ): Հնարավորության դեպքում, խնդրում ենք սեմինարին ներկայանալ սեփական համակարգիչներով:
Ծրագրին առնչվող բոլոր հարցերով կարող եք դիմել ծրագրի համակարգող Մարինե Մանուչարյանին` ushahidi.armenia@gmail.com էլեկտրոնային փոստի միջոցով:
iԴԻՏՈՐԴ ծրագիրը համաֆինանսավորվում է «Լրատվության այլընտրանքային ռեսուրսներ» ծրագրի շրջանակներում:
«Նոր բովանդակություն և նոր տեխնոլոգիաներ» մրցույթի արդյունքները
«Լրատվության այլընտրանքային ռեսուրսներ» ծրագրի շրջանակներում Եվրասիա համագործակցություն հիմնադրամը 2012 թվականի հունվարին հայտարարեց դրամաշնորհային ծրագրերի ամենամյա բաց մրցույթ` «Նոր բովանդակություն և նոր տեխնոլոգիաներ» թեմայով:
Մրցույթը նպատակ ուներ խրախուսել նոր մեդիա բովանդակության ստեղծումը` ժամանակակից տեղեկատվական տեխնոլոգիաների կիրառմամբ: Այն իրականացվել է հետևյալ երկու ուղղություններով.
Նորարարական բովանդակություն. հեռուստատեսային, տպագիր, ռադիո և առցանց լրատվամիջոցների կողմից նոր բովանդակության, մուլտիմեդիա հարթակների ստեղծում, տեսանյութերի արտադրություն՝ վավերագրական ֆիլմերի, տեսանյութերի, սոցիալական գովազդների պատրաստում:
Քաղաքացիական լրագրություն. քաղաքացիական լրագրության բովանդակության ստեղծում, բլոգերի, սոցիալական ցանցերի, բջջային հեռախոսների միջոցով աուդիո-վիդեո տեղեկատվության տարածում: Մրցույթին ներկայացվել էր ավելի քան 50 հայտ ինչպես կազմակերպությունների, լրատվամիջոցների, այնպես էլ անհատների կողմից: Փորձագիտական հանձնաժողովը գնահատելով բոլոր հայտերը՝ ֆինանսավորման է առաջարկել հետևյալ 10 ծրագրերը.
1. Պանարմենիան մեդիա ՍՊԸ առաջարկում է ստեղծել ծաղրանկարների առցանց ամսագիր: “PanMan”-ի շաբաթական ծաղրաքաղը կանդրադառնա երկրի քաղաքական, սոցիալական ու հասարակական առավել սուր թեմաներին: Ծրագիրն իրականացվում է PanARMENIAN.net լրատվական գործակալության հետ համագործակցությամբ` ծաղրանկարիչ Վրեժ Քասունու ղեկավարությամբ:
2. “168 Ժամ” ՍՊԸ - ի նախագիծն ուղղված է կարիքավոր մարդկանց խնդիրների լուծմանը կամ թեթևացմանը` ոչ թե թերթի միջոցներով, այլ թերթի միջնորդությամբ: Ծրագրի շրջանակներում 168 Ժամ-ի կայքէջում կգործի «Նրանք ապրում են մեր կողքին» բաժին, որը կունենա մի քանի ենթաբաժիններ. «Սոցիալական աջակցություն», «Իրազեկում» և «Փոքր ներդրումային ծրագրերի աջակցություն»:
3. Կանաչաստան ՀԿ -ի ծրագրի անմիջական շահառուները երիտասարդներ են, որոնք սովորելու են սոցիալական գովազդներ ստեղծել և տարածել նոր մեդիա միջոցներով: Ծրագրի շրջանակներում ստեղծվելու է «Սոցիալական գովազդի վիրտուալ փառատոն» կայքէջը, ուր կտեղադրվեն վարպետության տեսադասեր ու հոլովակներ, կքննարկվեն երիտասարդների ստեղծած գովազդները:
4. “Ամբրելլա” միջազգային լրագրողների ցանց ՀԿ -ի «Հավասարակշռված լրատվության լաբորատորիա» ծրագիրը ներկայացնում է մարդկային պատմություններ, վերլուծություններ` ֆոտոպատմություններով ու ծաղրանկարներով:
5. Հանրային լրագրության ակումբ ՀԿ Կազմակերպությունն առաջարկում է ստեղծել նախագահական ընտրությունների համար նախատեսված մոբայլ եւ ֆեյսբուքյան հավելվածներ «MyNews.am» կայքում: Կայքում թղթակցություններ կարող են տեղադրվել ֆեյսբուքյան եւ բջջային հեռախոսների /Անդրոիդ, IOS/ միջոցով: Հավելվածները կկատարելագործվեն և կավելացվի «Նախագահական ընտրություններ» բաժին, որտեղ համապարփակ ուղեցույց կլինի ընտրությունների ընթացքի, թեկնածուների, նախընտրական եւ ընտրական գործընթացները լուսաբանելու մասին:
6.Համբարձում Համբարձումյանի առաջարկված «Գրող ու ցավ» ծրագրով նախատեսվում է ստեղծել նոր գրական առցանց տարածք, որտեղ կտպագրվեն ժամանակակից գրողների ակտուալ թեմաներով գրված գործեր:
7. ԱԼՏ հեռուստախմբագրության ծրագիրը նպատակ ունի նպաստել լրատվության ապակենտրոնացմանը` զարգացնելով մարզային «ԱԼՏ» հեռուստաընկերության մուլտիմեդիա հնարավորությունները: Ծրագրի շրջանակներում մարզի վերաբերյալ տեսանյութեր ու ռեպորտաժներ կտեղադրվեն http://www.alttv.am/ կայքում ու կտարածվեն սոցիալական ցանցերի միջոցով:
8. Լիա Մխիթարյանն առաջարկում է ժամանակակից արվեստի միջոցով լսելի դարձնել հանրային նշանակության խնդիրները: «Մարդ, արվեստ, լրատվություն» ծրագրով նախատեսվում է ստեղծել սոցիալական հոլովակներ, փողոցային արվեստի նմուշներ, արթ-տոնավաճառներ ու պարբերական ամփոփագրեր երիտասարդների համար:
9. «Ռյա Թազա Հայաստան» ՍՊԸ -ի ծրագիրը նախատեսում է քրդալեզու Ռյա Թազա թերթի նորացումն ու ժամանակակից մուլտիմեդիա գործիքների կիրառումը: Նոր խմբագրական քաղաքականությունը ուղղված կլինի թե քրդալեզու, թե հայազելու ընթերցողներին: Թերթի եռալեզու առցանց տարբերակը կունենա օրական և շաբաթական անդրադարձ քրդալեզու համայնքին և տարածաշրջանին վերաբերող սոցիալ-քաղաքական իրավիճակին:
10. «Ցայգ» ՍՊԸ -ի «Իրականում» նախագիծն ուղղված է ընտրական տարիքի հատուկ կարիքներով քաղաքացիներին: Ընտրական տարիներին ընդառաջ «Ցայգը» նախատեսում է ստեղծել և հեռարձակել նախընտրական սոցիալական գովազդներ, հեռուստաշարքեր և ծրագրեր, որոնք մատչելի կլինեն նաև լսողության խանգարում ունեցող մարդկանց համար: Ծրագրի նորամուծությունն է հեռուստատեսության ինտերնետային եթերի ակտիվացումը և ընտրությունների շրջանում Շիրակի մարզում 24-ժամյա լրահոսի ապահովումը` մատչելի դարձնելով տեղեկատվությունը բոլորի համար:
2010 թ.-ին Եվրասիա համագործակցություն հիմնադրամը ևս հայտարարել էր դրամաշնորհային մրցույթ, որի արդյունքում ընտրվել էին 14 նորարարական գաղափարներ, որոնք 6 ամիսների ընթացքում ունեցան շոշափելի արդյունքներ: Այս տարի փորձագիտական հանձնաժողովը առաջադրեց 5 առավել հաջողված ծրագիր, որոնք ստացան վերաֆինանսավորման հնարավորություն.
Ծրագրի անունից շնորհակալություն ենք հայտնում մրցույթի բոլոր մասնակիցներին, շնորհավորում հաղթողներին և մաղթում բոլորին արդյունավետ գործունեություն և նոր ձեռքբերումներ:
Ինֆոտների հանդիպում Երևանում
Հունվարի 26-29 Երևանում տեղի ունեցավ 5 մարզերում գործող հեռահաղորդակցման կենտրոնների՝ Ինֆոտների ներկայացուցիչների հանդիպումը՝ քննարկելու 7-8 ամիսների գործունեության ընթացքում կուտակված խնդիրներն ու միասնական ուժերով մշակելու ԻնֆոՏների հետագա քայլերը: Ինֆոտները՝ որպես տեղեկատվություն ստեղծող և սփռող ռեսուրս կենտրոններ քաղաքացիների համար, ստեղծվեցին Եվրասիա համգործակցություն հիմնադրամի կողմից «Այլընտրանքային լրատավության ռեսուրսներ» ծրագրի շրջանակներում, ուր կենտրոնացված են տեղեկատվություն ստեղծելու համար անհրաժեշտ մարդկային և տեխնիկական ռեսուրսներ:
Եռօրյա հանդիպման նպատակն էր, բացի տարաբնույթ հարցերի քննարկումից, ինչպիսիք էին միջազգային զարգացման հեռանկարները և Հայաստանի քաղաքացիական հասարակությունը, այլընտրանքային լրատվամիջոցների դերը , մասնակիցների կառավարման և ինֆորմացիոն տեխնոլոգիաների հմտությունների կատարելագործումը, Ինֆոտների հետագա քայլերի հստակեցումն ու նոր ծրագրերի մշակումը` ԻնֆոՏների ցանցը հզորացնելու համար:
Հանդիպման յուրաքանչյուր օրվա մասին ավելի մանրամասն կարող եք կարդալ Գորիսի Ինֆոտան բլոգում.
Սեմինարի նկարները տես այստեղ :
Վերջին օրվա ընթացքում բոլոր ԻնֆոՏները ներկայացրեցին իրենց ծրագրերի տեսլականները: Բոլոր հինգ ներկայացումներն էլ տարբերվում էին միմյանցից, քանի որ յուրաքանչյուր ինֆոտուն հաշվի էր առել իր տեղանքի առանձնահատկությունները, պահանջները: Տես յուրաքանչյուրի ներկայացումը ստորև.
“Press Club” TV talk show – new season of weekly cycles aired on Yerkir Media
Today, January 27, watch the “Press Club” TV talk show on “Yerkir Media” at 18.35. The season’s first program continues to deal with journalism ethics.
Topic: The claim of Arman Avetisyan, the Chairman of the board of “Minas Avetisyan” Charitable Foundation vs. Levon Barseghyan, the Chairman of the board of Gyumri Asparez Journalists Club
Speakers: Arman Avetisyan, Chairman of the board of “Minas Avetisyan” Charitable Foundation
Levon Barseghyan, Chairman of the board of Gyumri Asparez Journalists Club
Experts: Shushan Doydoyan, President of Freedom of Information Center
Ara Ghazaryan, Lawyer
Nune Sargsyan, Acting Director of Internews Media Support NGO
Mesrop Harutyunyan, Media Expert
The show will rerun on Tuesday, January 31 at 14.15.
The current “Press Club” weekly cycle is produced by Yerevan Press Club under the “Alternative Resources in Media” project, supported by USAID. A specific ethical matter is proposed to the attention of two discussants with different viewpoints, four experts and the audience at the studio. The shows continue to focus on the issues of privacy, libel and insult, out-of-court solution of media disputes, the activities of the Media Ethics Observatory (MEO).
MEO was formed on March 10, 2007 by the heads of Armenian media who supported the Yerevan Press Club initiative on establishing a self-regulation system in Armenia. The mission of the MEO consists in the consideration of complaints and appeals regarding the violations of the Code of Conduct of Media Representatives and making judgments on these.
Watch “Press Club” TV talk show aired on 02.12.2011
«Նոր բովանդակություն և նոր տեխնոլոգիաներ» դրամաշնորհային ծրագրերի բաց մրցույթ 2012
Եվրասիա համագործակցություն հիմնադրամը-(ԵՀՀ) «Լրատվության այլընտրանքային ռեսուրսներ» ծրագրի շրջանակներում հայտարարում է դրամաշնորհային ծրագրերի ամենամյա բաց մրցույթ` «Նոր բովանդակություն և նոր տեխնոլոգիաներ» թեմայով:
«Լրատվության այլընտրանքային ռեսուրսներ» ծրագրի նպատակն է Հայաստանում առավել հասանելի դարձնել անկողմնակալ և բազմակարծիք լրատվությունը` ավանդական և այլընտրանքային միջոցներով, ժամանակակից տեխնոլոգիաների կիրառմամբ։ Ծրագիրը համատեղ իրականացնում են «Ինտերնյուս Նեթուորք»-ը (ԱՄՆ), Եվրասիա համագործակցություն հիմնադրամը, Երևանի մամուլի ակումբը և մամուլի աջակցության «Ինտերնյուս» ՀԿ-ն։ Ծրագիրը հնարավոր է դարձել ամերիկյան ժողովրդի նվիրատվության շնորհիվ` ԱՄՆ Միջազգային զարգացման գործակալության (ԱՄՆ ՄԶԳ – USAID) աջակցությամբ…
Եվրասիա համագործակցություն – Հայաստան : Ամենամյա դրամաշնորհային մրցույթ.
