Մեկնարկել է հաղորդավարների դասընթացը

Այսօր հոկտեմբերի 25-ին մեկնարկեց հեռուստատեսային ծրագրեր և քննարկում-բանավեճեր վարողների վեցօրյա դասընթացը, որը բացառիկ հնարավություն է ընձեռում մասնակիցներին ձեռք բերելու հմտություններ և գիտելիքներ՝ մասնակցելով Ռուսաստանի առաջատար հեռուստալրագրողներ Սվետլանա Սորոկինայի և Նինա Զվերևայի վարպետության դասերին:

Դասընթացների տասը մասնակիցներն ընտրվել են Եվրասիա համագործակցություն հիմնադրամի (ԵՀՀ) «Լրատվության այլընտրանքային ռեսուրսներ» ծրագրի շրջանակներում հայտարարած մրցույթի արդյունքում, որոնցից լավագույնները հնարավորություն կստանան վարելու ԵՀՀ հեղինակային հաղորդաշարը` «Հոդված 27» եւ հանդիպում – քննարկումները:

Այս վեցօրյա դասընթացի ընթացքում մասնակիցները գործնական պարապմունքների արդյունքում սովորելու են հեռուստածրագրեր և բանավեճեր վարելու հիմունքներ, որոնք կներկայացնեն Ռուսաստանից ժամանած մասնագետները հայաստանյան փորձագետների հետ միասին:

Մասնագետ ոճաբանի և դիմահարդարի օգնությամբ մասնակիցները ծանոթանալու են էկրանային իմիջի մշակման սկզբունքներին, վարելու են փորձնական հաղորդում ստուդիայում:

Այս նախաձեռնության իրականացմանն աջակցում է «Ինտերնյուս»-ը, որտեղ և անց է կացվում դասընթացը:

Anchor’s training, a set on Flickr.